|
Fréttatilkynning
– mars 2003
Edda og Myndlist - Tímamótaútgáfa
Út
er komin hjá útgáfufélaginu
Guðrún, Edda eftir Snorra Sturluson (1179-1241)
á ensku. Í bókinni er að finna
helstu frásagnir Eddu ásamt úrvali
evrópskrar myndlistar sem sprottin af lestri Eddu
á undanförnum öldum.
Edda…
Áhrif
Eddu á evrópska menningu á undanförnum
öldum eru geysimikil. Edda hefur ekki eingöngu
verið áhrifavaldur á sviði bókmennta,
heldur einnig á sviði tónlistar og myndlistar.
Þessi útgáfa er að mörgu leyti
tímamótaverk: Í henni er að finna
rjómann af þeirri myndlist sem Edda hefur kveikt
á undanförnum öldum. Textinn er auk þess
settur fram með þeim hætti að höfðar
til nútímamanna.
Edda
er eitt af grundvallarritum norrænnar menningar. Hún
er auk þess geysilega skemmtileg aflestrar. Þar
segir frá uppruna Danmerkur og Svíþjóðar;
Ævintýrum guðanna gömlu: Óðins,
Þórs, Baldurs, Freyju og allra að ógleymdum
hinum brögðótta Loka. Þar segir frá
uppruna heimsins og endalokum hans. Ennfremur segir frá
Völsungum og Niflungum, Sigurði og Drekanum.
Það
er óhætt að undirstrika að meiri hluti
þeirra frásagna sem er að finna í
Eddu er hvergi að finna annars staðar. Norræn
menning og þar með talin Evrópsk menning
væri því óneitanlega fátækari
ef ekki nyti Eddu við.
Það
er auðvitað stórkostlegt að uppgötva
hversu gífurleg áhrif Edda hefur haft á
andlegt líf í Evrópu undanfarnar aldir.
Það eru ógrynni af myndum og sögum
sem úr jarðvegi hennar eru sprottin, og nægir
að nefna áhrif hennar á Wagner og Tolkien.
Án
Eddu væri vitneskja okkar um Ásatrúna
af afar skornum skammti og skilningur okkar á fornum
kveðskap og andlegu lífi norrænna manna
á fyrri öldum þokukenndari
…
og Myndlist
Myndlistarmennirnir
sem eiga verk í bókinni eru frá tólf
Evrópulöndum. Meðal þeirra er að
finna marga af þekktustu myndlistarmönnum Evrópu,
svo sem: Nicolai Abraham Abildgaard, Peter Nicolai Arbo,
Ásgrím Jónsson, John Bauer, Aubrey
Beardsley, Max Beckmann, Ernst Billgren, Hakon Bjærke,
Peter Brandes, Jóhann Briem, Christoffer Wilhelm
Eckersberg, James Ensor, Max Ernst, Mariano Fortuny, Lorenz
Frølich, Johann Heinrich Fussli, Constantin Hansen,
William Heinesen, Hans Heyerdahl, Karl Isakson, Jens Adolf
Jerichau, Asger Jorn, Ernst Josephson,Wassily Kandinsky,
Anselm Kiefer, Paul Klee, Carl Larson, J.L.Lund, August
Malmström, Richard Mortensen, Gerhard Munthe, Kai Nielsen,
Bjørn Nørgaard, Arthur Rackham, Odilon Redon,
Axel Revold, Nicolai Roerich, Agnes Slott-Møller,
Arnt Uhre, Dagfinn Werenskiold, Mårten Eskil Winge,
Anders Zorn, auk margra annarra.
Vel
á annað hundrað myndir eru í bókinni.
Elsta myndin er frá 1680 og sú yngsta frá
1985. Bókin er í stóru broti (28x22
sm), og er 360 síður. Hún kostar 875 DKK
|
